නීති අංශය
ජාතික නිවාස සංවර්ධන අධිකාරිය හි නීති අංශය ආයතනය ස්ථාපිත කළ මුල් වසර තුන තුළදී ආරම්භ කරන ලදී. එම අංශය ආරම්භයේදී නීති කළමනාකරු (Manager – Legal) ගේ නායකත්වයෙන් ක්රියාත්මක වූ අතර, වර්තමානයේ එය නියෝජ්ය සාමාන්යාධිකාරී (නීති) (Deputy General Manager – Legal) විසින් නායකත්වය දරයි. නීති අංශය දිස්ත්රික්ක 24ක් ආවරණය කරමින් තම කාර්යයන් ඉටු කරයි.
නීති අංශයේ ප්රධාන අරමුණ වන්නේ ආයතනයේ අරමුණු මත අවධානය යොමු කරමින් ජාතික නිවාස සංවර්ධන අධිකාරී පනත ක්රියාත්මක කිරීමයි. නීති අංශයේ දැක්ම වන්නේ ජාතික නිවාස සංවර්ධන අධිකාරිය විසින් සේවය ලබාගත් ජනතාවට දේපලවල නීත්යානුකූල අයිතිය ලබාදීම සහ ආයතනයේ නීත්යානුකූල අයිතිය සුරක්ෂිත කිරීම සඳහා අධිකරණ ක්රියාමාර්ග ඇතුළුව නීති උපදෙස් සහ නීතිමය සේවා සැපයීමයි.
නීති අංශයේ කාර් ්යභාර සහ වගකීම්
ඉඩම් සහ නිවාස සඳහා පැවරීම් පත්ර (Transfer Deeds) ලබාදීම.
මහල් නිවාස (Flats) සඳහා හිමිකම් පත් ලබාදීමට අවශ්ය Condominium ප්රකාශන (Declarations) සකස් කිරීම.
අවශ්ය අවස්ථාවල පුද්ගලයින් සහ ආයතනවලට එරෙහිව නීතිමය ක්රියාමාර්ග ගැනීම.
දේපල සම්බන්ධ පැමිණිලි සඳහා නීතිමය ක්රියාමාර්ග ගැනීම.
අධිකාරියට අයත් ඉඩම්, නිවාස සහ වෙළඳසැල් අනවසරයෙන් පදිංචිව සිටින පුද්ගලයින්ට එරෙහිව නඩු පැවරීම සහ දේපල නැවත නීත්යානුකූලව අත්පත් කර ගැනීම.
දිස්ත්රික් කාර්යාල සහ මූලස්ථානයේ සියලු අංශ සඳහා අවශ්ය නීති උපදෙස් ලබාදීම.
ණය වාරික ගෙවීම පැහැර හරින පුද්ගලයින්ට එරෙහිව නීතිමය ක්රියාමාර්ග ගැනීම.
නීතිමය නිවේදන (Legal Notices) මගින් අධිකාරියට අයවිය යුතු මුදල් අයකර ගැනීමට සහාය වීම.
අධිකාරිය සහ බාහිර පාර්ශව අතර ගිවිසුම් සිදු කරන අවස්ථාවල ගිවිසුම් පත් සහ අනෙකුත් නීතිමය ලේඛන සකස් කිරීම.
නීති අංශයේ සාර් ථකතා
2015 වර්ෂයේදී දිස්ත්රික්ක 10ක් ආවරණය කරමින් නීතිමය ක්රියාමාර්ග මගින් රු. 3,415,027.47 ක මුදලක් අධිකාරියට ලබාදීමට දායක විය.
නොටරි ගාස්තු (Notarial Fees) මගින් රු. මිලියන 5.160 ක ආදායමක් අධිකාරියට ලබා දීමට දායක විය.
Lease Deeds 3,244 ක් සහ Transfer Deeds 2,947 ක් ලබාදීමට නීති අංශය කටයුතු කළේය.
ඒ අනුව, ජාතික නිවාස සංවර්ධන අධිකාරියේ නීති අංශය ඉටුකරන සේවාවන් අතිශය වැදගත් සහ අසමසම බව පැහැදිලිය.